ඉලෙක්ට්‍රොනික උපාංග තැනීම සඳහා නිර්මිත විවෘත මූලාශ්‍ර දෘඩාංගයක් ලෙස Arduino හඳුන්වා දිය හැකියි. එමෙන්ම GNU General Public License (GPL) බලපත්‍ර යටතේ Arduino පුවරු ඕනෑම අයෙකුට නිශ්පාදන සහ බෙදාහැරීමේ හැකියාව පවතී. Arduino පුවරුවක් මත විවිධාකාරයේ පාලක, උපාංග සහ සංවේදක ක්‍රියාත්මක කළ හැකිය. එමෙන්ම මෙය තුළින් අංකිත හා ප්‍රතිසම ආකාරයේ ආදාන හා ප්‍රතිදාන සමග කටයුතු කළ හැකි වේ.

Arduino කේතකරණය පිළිබඳ මුල සිට අධ්‍යයනය කිරීමට CODES පිටුවට පිවිසනේන. මූලික කේත කිරීම් පමණක් නොව, විවධාකාරයේ සංවේදක සහ මොඩියුල භාවිතයද මෙහි මැනෙවින් විස්තර කර තිබේ. තවද මා විසින් සිදු කරන ලද Ardunio නිර්මාණ කිහිපයක්ද මෙම පිටුව අවසානයේ ඇතුලත් කර ඇත.

ඔබ කළ යුත්තේ වෙබ් අඩවියේ BEGIN පිටුවට පිවිස Arduino පුවරුව සහ Arduino IDE මෘදුකාංග ආශ්‍රිත මූලික දැනුම හැදැරීමයි. ඉන් පසුව ඉතාමත් පහසුවෙන් Arduino සඳහා ක්‍රමලේඛ ගොඩනැගීම කළ හැකිය. මේ සියල්ලම වටහා ගැනීමට ඔබට වැය වන්නේ විනාඩි තිහක් වැනි කෙටි කාලයක් පමණි. එමෙන්ම ආධුනිකයෙකු වශයෙන් ඔබ මුලින්ම මිලදී ගත යුත්තේ කුමන උපාංගද යන්න පිළිබඳ උපදෙස් කිහිපයක්ද ඉහතින් සඳහන් BEGIN පිටුව සතු වනවා.

පහළ ඇති බටනය මත කිල්ක් කරන්න. එවිට ඔබට ලැබෙන Google Form එක මගින් ඔබේ අදහස මා වෙත එවන්න. එම අදහස් යෝජනා සහ චෝදනා මෙම වෙබ් අවඩියේ අඩුපාඩු නිවැරදි කර ගැනීමට බොහෝ සෙයින් උපකාරී වනු ඇත.

ඉහතින් දැක්වෙන්නේ Arduino සඳහා භාවිතා කළ හැකි කුඩාම සහ සරළම පරිපථයයි. මෙම පරිපථය UNO නමින් හැඳින්වේ. Arduino ක්ෂ්‍රේත්‍රයට ආධුනිකයින් සඳහා මුලින්ම අධ්‍යයනයට සුදුසු වන්නේද මෙම UNO පරිපථයයි. මෙහි ඉහළ සහ පහළ ප්‍රධාන වශයෙන් Pins 29ක් පවතී. (නිශ්පාදිත සමාගම අනුව වෙනස් විය හැකි නමුත් ඉහත රූපයේ පරිදි නම් කළ Pins අනිවාරයෙන් පවතී) අප නිර්මාණය කරන උපාංගය සඳහා අවශ්‍ය අනෙක් විද්‍යුත් සංරචක (Electronic Components) සම්බන්ධ කරනුයේ මෙම Pins වලටය. බොහෝ විට ගොඩනගන පරිපථය සංකීර්ණ වත්ම Bread Board සහ සම්බන්ධක වයර කැබලි භාවිතා කිරීමට සිදු වේ. මුලින්ම අප මෙහි ඇති Pins මොනවාදැයි හඳුනාගනිමු.

මෙම සිදුරු භාවිතයෙන් එක් එක් ආකාරයේ කියවීම්, දත්ත ආදානය සහ ප්‍රතිදානය කිරීම Arduino මගින් ප්‍රධාන වශයෙන් සිදු කරයි. පරිපථයක් සකස් කිරීමේදී යොදාගන්නා Pins හොඳින් හඳුනාගනෙ භාවිතා කිරීම වැදගත් වේ. එමෙන්ම මෙම පුවරුව සමග පරිගණකයට සම්බන්ධ කළ හැකි USB Cable එකක්ද ලැබේ. මේ Cable එක ආධාරයෙන් පරිගණකයෙන් සැකසූ ක්‍රමලේඛය (Program) පුවරුවට උඩුගත කිරීම (Upload) කිරීම සිදු කරයි. එය පුවරුවට උඩුගත කළ පසු පරිගණයකට සම්බන්ධ කිරීමකින් තොරව වුවත් පුවරුව භාවිතා කළ හැකිය. මක් නිසාදයත් පරිගණකයෙන් උඩුගත කළ අවසාන වැඩසටහන පුවරුව මතකයේ තබා ගන්නා නිසාවෙනි. රෑපයේ පරිදි වම් පහළ කෙළවර ඇති විදුලි සැපයුමෙන් විදුලිය පමණක් ලබා දීමෙන්ද පුවරුව ක්‍රියාත්මක කළ හැකිය.

පුවරුවේ ඉහළ වම් කෙළවර බොත්තමත් පවතී. එම බොත්තම මගින් පුවරුවේ ක්‍රියාත්ම වෙමින් පවතින වැඩසටහන නැවත මුල සිට ක්‍රියාත්මක කිරීම කළ හැකිය. (Reset Button) තවද, පුවරුවේ LED 4ක් අඩංගුව ඇත එහි ON යන LEDh ය මගින් පුවර්වට විදුලිය සැපයී ඇති බවත්, TX සහ RX නම් LED මගින් පරිගණකය හා දත්ත සම්ප්‍රේෂණය වන බව දැන ගත හැකිය. මෙහි ඇති L නම් LEDය සෑම විටම 13වන Pin එක සහ GND Pin එක සමග සම්බන්ධව ඇත. මේ නිසා 13 වන Pin එකෙහි විභවය බහළ වෙත්ම L නම් LEDය දැල්වේ.

මෙය ඉතාමත් සිදුම් පුවරුවක් නිසාවෙන් ඉතාමත් ප්‍රවේශයෙන් භාවිත කළ යුතුය. පුවරුවට විදුලිය සපයා ඇති විටල එහි යටි පැත්තේ ඇති පෑස්සුම් අකින් ඇල්ලීම නොකළ යුතුය. මක් නිසාදයක් එමගින් පරිපථය ලුහුවත් වී පුවරුවට හෝ සම්බන්ධ කර ඇති අමතර උපාංගවලට හානි විය හැකි නිසාවෙනි. එමෙන්ම ක්‍රමලේඛණයක් කේතනයේදී පවා සැළකිලිමත් වීම වැදගත් වේ. යම් හෙයකින් උබ සකසන ක්‍රමලේඛය මගින් පුවරුව ක්‍රියාත්මක වන ආකාරය වුවද එයට සම්බන්ධ උපාංගවලට හානිදායක විය හැකිය.

Arduino පුවරුව සඳහා වැඩසටහනක් ලිවීමේදී ප්‍රථමයෙන් ඔබේ පරිගණකයේ Arduino මෘදුකාංගය ස්ථාපනය කර ගත යුතුය. පහළින් ඇති බටනය ක්ලික් කර නවතම Arduino මූදුකාංග සංස්කරණය ලබා ගන්න.

පහතින් දැක්වෙනුයේ එම බාගත කරගත් Arduino IDE මෘදුකාංගය පරිගණකයේ ස්ථාපනයෙන් අතරුව විවෘත කළ පසු දිස් වන ආකාරයයි.

දැන් ඔබ මෙම අතුරුමුහුණතේ කොටස් හඳුනාගත යුතුය. ඉහළින්ම Main Menu එක සහ ඊට පහළින් වැඩි භාවිතකේ ඇති බටන 5ක් ඇතුලත් වේ.

එමෙන්ම තිරයේ දකුණු කෙළවර තවත් විශේෂ බටනයක් වේ. මෙම ටබනය Serial Monitor විවෘත කිරීමට භාවිතා කෙරේ. Serial Monitor යනු Arduino පුවරුවෙන් ලබා ගන්න පුතිදාන පරිගණකයේ දර්ශණය කර ගත හැකි සහ පුවරුව ක්‍රියාත්මක වෙමින් තිබියදී එයට පරිගණකය හරහා දත්ත ඇතුල් කළ හැකි මෙවලමයි.

මෙහිදී ඔබ භාවිතා කරන Arduino පුවරුවේ වර්ගය මෘදුකාංගයෙන් පෙර සිටම තෝරා දිය යුතුය. ඒ සඳහා Main Menu එකෙහි Tools > Board වෙත ගොස් ඔබේ පුවරුවේ වර්ගය තෝරන්න. (ඔබ සතුව ඇත්තේ UNO පුවරුවක් නම් Arduino/Genuino Uno යන්න තෝරන්න)

Arduino සඳහා ක්‍රමලේඛ ලිවීමේදී භාවිතා වෙන්නේ C පරිගණක භාෂාවේ කේතන නීති රීති වේ. මේ නිසා C පරිගණක භාවිව පිළිබඳ දැනුමක්ද ඔබ සතු විය යුතුය. මෙහි සෑම ක්‍රමලේඛයකම ප්‍රධාන සහ අනිවාර්ය Functions දෙකක් අඩංගු වේ. ඒවා නම් setup සහ loop යන්නයි. පුවරුව ක්‍රියාත්මක වීමට පටන් ගත් සැනින් setup යන කොටස ධාවනය වන අතර ඉන් පසුව loop යන කොටස නොකඩවා පුනරාවර්තීව ධාවනය සිදු වේ. මේ නිසා කේතනය කිරීමේදී ආරම්භයේ පුවරුව සැකසී තිබිය යුතු ආකාරය setup යන කොටසට ඇතුලත් කළ යුතුය.

ක්‍රමලේඛණය කිරීමේ උපදෙස් සහ නිදසුන් පියවරින් පියවර මෙම වෙබ් අඩවියේ CODES යන පිටුවේ ඇතුලත් වේ.

Arduino ක්ෂ්‍රේත්‍රයේ ඉහළටම ගමන් කිරීමට ඔබට වාසනාව ලැබේවායි මා ප්‍රාර්ථනා කරමි!

Go To CODES Page